ՏԵՐՈՒՆԻ ՏՈՆԵՐ, Տերունական տոներ, Հիսուս Քրիստոսի կյանքի հետ կապված ամենակարևոր դրվագների հիշատակության օրեր, որոնք քրիստոնյա եկեղեցին տոնում է մեծ հանդիսավորությամբ: Դրանք են. 

Սուրբ Ծնունդ և Աստվածահայտնություն. տոնակատարության օրն  անփոփոխ է: Կատարվում է հունվարի 6-ին: 

Անվանակոչություն Քրիստոսի. Կատարվում  է միշտ նույն օրը՝ հունվարի 13-ին:

Տյառնընդառաջ օրն անփոփոխ է՝ կատարվում է փետրվարի 14-ին: 

Ծաղկազարդ, Ավագ Շաբաթ, ս. Զատիկ կամ Հարություն, Համբարձումն Քրիստոսի: 

Հոգեգալուստ կամ Պենտեկոստե. Սուրբ Հոգու՝ աղավնու կերպարանքով իջնելն է առաքյալների վրա: 

Վարդավառ կամ Պայծառակերպություն Քրիստոսի (բոլորն էլ շարժական են):  

Վերափոխումն Ս. Աստվածածնի կամ Գալուստ Տեառն ի փոխումն Կուսին: Տոնվում է օգոստոսի 15-ի մերձավոր կիրակի օրը:  

Տերունի տոներ են տարվա բոլոր կիրակիները, որոնք նվիրված են Հիսուսի Հարության հիշատակին՝ երբեմն ունենալով տերունական այլ տնօրինության հիշատակ: Տերունի տոներ են Հայ եկեղեցու հինգ Տաղավար տոները: Տերունի տոների մաս են կազմում Աստվածածնի տոները, ս. Խաչի տոները և Եկեղեցու տոները, որոնք Հիսուս Քրիստոսի տնօրինական տոներ չեն, բայց կատարվում են ի պատիվ և հանուն Հիսուսի: 

                                                                                 

                                                                                                       ավ. քհն. Սարգսյան Ե.


Աղբյուրը՝  «Քրիստոնյա Հայաստան» հանրագիտարան, գլխ. խմբ. Հովհ. Այվազյան, Հայկական հանրագիտարան հրատ., Երևան, 2002,  էջ 1014

Տես նաև՝

Օրմանյան Մ., Ծիսական բառարան, Ե.,1992: 

                                                                                

ՀՀ, ք. Երևան,
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am

Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` http://www.armenianreligion.am